ஹாசினியின் பேசும்படம்

ரெண்டு எபிசோட் பார்த்தேன். அவங்க சொல்ற படங்களைப் பத்தி ஒண்ணும் தெரியாததால சரியா சொல்றாங்களா இல்லையான்னு எனக்குத்தெரியாது. பில்லா படத்தைப் புகழ்ந்தாங்க. ஆனா எனக்குப் படம் பிடிக்கும்னு தோணல. போட்டுக்காட்டின க்ளிப்பிங்க்ஸே (படத்தோட)  அவ்வளவா  பிடிக்கல.

ஆனா அவங்க உடையும் மற்ற அலங்காரமும் ரெம்ப மைல்ட்-ஆ காசுவலா இருக்கே. இன்னும்கூட கலக்கியிருக்கலாம். இதுக்கே தமிழ் உலகம் கடுப்பாகுதா? கிளிஞ்சுது. மக்கள் உருப்பட்டாப்லதான்.

அம்மா இங்கே வா வா

ஞாபகம் இருக்கும்போதே பதிவு பண்ணி வைச்சுக்கலாம்னு எழுதுறேன்.

1. நான் படித்த அ ஆ இ ஈ……

———————— 

அம்மா இங்கே வா வா

ஆசை முத்தம் தா தா

இலையில் சோறு போட்டு

ஈயைத் தூர ஓட்டு

உன்னைப் போல நல்லார்

ஊரில் யாரும் இல்லை

என்னால் உனக்குத்தொல்லை

ஏதும் இங்கே இல்லை

ஐயம் இன்றிச் சொல்வேன்

ஒற்றுமை என்றும் உயர்வாம்

ஓதும் செயலே நலமாம்

ஔவை சொன்ன மொழியாம்

அஃதே எனக்கு வழியாம்.

————-

 ஆத்திசூடியில உள்ளா அ ஆ இ ஈ… (முழுசச ஞாபகம் இல்லை.  நிறய தப்பு வேற இருக்கும். தெரிஞ்சவங்க சொன்னீங்கன்னா திருத்திக்கிறேன்) நன்றி ரேவதி, Ag மற்றும் Boo.

அறம் செய விரும்பு
ஆறுவது சினம்
இயல்வது கரவேல்
ஈவது விலக்கேல்
உடையது விளம்பேல்
ஊக்கமது கைவிடேல்
எண் எழுத்து இகழேல்
ஏற்பது இகழ்ச்சி
ஐயம் இட்டு உண்
ஒப்புரவு ஒழுகு
ஓதுவது ஒழியேல்
ஔவியம் பேசேல்
அஃகஞ் சுருக்கேல்

 

பூ (boo)வும் செந்திலும் அவங்கவங்களோட வெர்சன் எழுதினதா எனக்கு ஞாபகம். கண்டுபிடிக்க முடியல.