ராமர் பாலம் - முன்குறிப்பு

1994-ல் முதன் முதலில் ராமேஸ்வரமும் இலங்கையும் சேர்ந்த இடம் செயற்கைக்கோள் படமாக என் கைக்கு வர ஆர்வம் காரணமாய் ராமர் பாலத்தை ஒரு சின்னப் பார்வை பார்த்திருக்கிறேன்.

ஒரு ஐந்து வருடங்களுக்கு முன் முதன்முதலாய் இந்த ராமர் பாலம் விசயம் ஹிந்துஸ்தான் நாளிதழிலும், சில அமெச்சூர் ஆர்வலர்களின் ஆர்ப்பாட்டமுமாக ஒரு ரவுண்டு வர, உந்துதல் காரணமாய் மறுபடியும் உற்று நோக்கி சில பதில்கள் கொடுத்திருக்கிறேன்.

ஒரிரு வாரங்களாக இந்த விசயம் கண்ணில் பட்டாலும்,  விசயத்தில் விருப்பமில்லாமல்  ஒதுக்கிவிட்டு என் வேலையைப் பார்க்கப் போய்விட்டது தவறோ என்று தோன்றுகிறது.

போனவாரக் கடைசியில்தான் எப்படி வெள்ளைக்காக்கா மல்லாக்க பறந்து கொண்டிருக்கிறது என்று  இருவர் மூலம் கேள்விப் பட்டேன்.  

குற்ற உணர்வு இன்னும் கூடிப்போக, இதுபற்றி ஒரு பதிவு எழுதலாமென்றிருக்கிறேன்.  இதுவரை என்ன நடந்திருக்கிறது என்பதை தெரிந்து கொள்ளவேண்டும் முதலில்.

விருப்பமிருப்பவர்கள், இதுவரை நடந்த விசயம் தெரிந்தவர்கள், உங்கள் கருத்தை ஒதுக்கி, விசயம் மட்டும், இணைப்புகளோடு (லின்குகளோடு) மறுமொழியாக விட்டுச்செல்லுங்கள். நானும் என்னுடைய ஆராய்ச்சியைச்  செய்துவிட்டுத்தான் பதிவு எழுதுவேன். ஆனாலும் சில மேற்கோள்கள்  கிடைத்தால் நலம் என நம்புகிறேன்.

முன் நன்றிகள் பல.