வெந்தயக் குழம்பு

“ரெசிப்பி போடப் போறயா. ஜெயஸ்ரீக்கேவா! அவங்கள மாதிரி போட்டோ எடுப்பியா?:

“அப்ப அவங்கள மாதிரி சமைக்கிறேன்னு சொல்றியா?”

“தப்பு என் மேல தான். போட்டோவாவது எடுப்பியான்னு  கேட்டிருக்கணும்”.

ரங்கமணி எடுத்த போட்டோ உங்கள் பார்வைக்கு.

அன்னனக்கு காயே இல்லைன்னா அல்லது பொரியல் காய் (கோஸ் மாதிரி) தான் இருக்குன்னா வெந்தயக் குழம்பு வைச்சு துவையலோ, காய் பொரியலோ வேறு ஏதாவது தொட்டுக்கவோ வைக்கிறது அம்மாவுக்கு வழக்கம். கேரளாவுக்கு பக்கம்கிறதுனாலயா இல்ல கோம்பையிலேயே தென்னந்தோப்பு அதிகம்கிறதுனாலயான்னு தெரியாது, எல்லாத்துலயும் தேங்கா இருக்கும். வெந்தயக் குழம்பை வெந்தயக் குழம்புன்னு சொல்றதவிட தேங்காக் குழம்புன்னு சொல்லலாம். ஏன்னா குழம்புல அரைச்சு விடற தேங்கா தவிர (which is default for all குழம்பு items in my household) தேங்காய் துண்டுகள் நறுக்கிப் போட்டு வைப்பாங்க.

தேவையான பொருட்கள்: (அளவு ஏதும் சொல்லத்தெரியாது)
புளி
மல்லிப்பொடி அல்லது வறுத்து அரைத்த மல்லி
மிளகாய்ப்பொடி அல்லது வறுத்து அரைத்த மிளகாய் வத்தல் (சிவத்த மிளாகாய் / வரமிளகாய்)
தேங்காய் - ஒரு மூடி (அரைக்க கொஞ்சம், நறுக்கிப் போட கொஞ்சம்).
உப்பு
மஞ்சள் தூள்

வெந்தயம்
கடுகு+உளுந்தம்பருப்பு
எண்ணை
கருவேப்பிலை
வெங்காயம்
தக்காளி

செய்முறை:

• அரைமுடிதேங்காயை சிறு துண்டுகளாக நறுக்கி வைத்துக்கொள்ளவும்

• மீதி தேங்காயை மிக்ஸியில் நன்றாக அரைத்துக் கொள்ளவும்.  மல்லியும் மிளகாயும் அரைப்பதாக இருந்தால் அத்துடனே தேங்காயையும் சேர்த்து அரைக்கலாம்.  பொடியாக இருந்தாலும் தேங்காயுடன் சேர்த்து அரைக்கலாம்.

• வெங்காயத்தை நறுக்கி வைத்துக்கொள்ளவும்

• தக்காளியை நறுக்கி வைத்துக்கொள்ளவும்.

• புளியைக் கரைத்து வைத்துக்கொள்ளவும்.

• ஒரு பாத்திரத்தில் எண்ணை விட்டு காய்ந்ததும், கடுகு + உளுந்தம்பருப்பு போடவும்.  வெடித்ததும் வெந்தயத்தைப் போட்டு, வெந்தயம் சிவந்ததும் கருவேப்பிலை போட்டு, வெடித்ததும் வெங்காயத்தைப் போட்டு, சிவந்ததும் தக்காளி போட்டு,  அரைத்த  கலவையைச்  சேர்க்கவும்.  கரைத்த  புளியைச்  சேர்க்கவும்.  தேவையான  அளவு  தண்ணீர் சேர்க்கவும்.  உப்பு  மற்றும்  மஞ்சள்தூள்  தேவையான  அளவு  சேர்க்கவும்.  தேங்காய்த் துண்டுகளையும்   சேர்த்துவிடவும்.

• காய்ந்ததும் இறக்கிவிடவும்.

மேட்ச் பிக்ஸிங்க் கார்னர்: சாதம், தோசை. பொரியல் காய், வடாம் போன்ற பக்க உணவுகள் நன்றாக ஒத்துப்ப் போகும்.

வேறு வெர்சன்:
ஜெயஸ்ரீயின் வெந்தயக் குழம்பு.